سمير عبده بخيت
خادم تراب الوطن
مصر عندها مصنع اسمه (سيماف) اتعمل سنة 1955 ويعتبر هو المصنع الوحيد في مصر والشرق الأوسط كله المتخصص في إنتاج وصيانة عربات السكة الحديد لحد دلوقتي، ولكن طبعاً للأسف زي باقي مصانع القطاع العام تم إهماله علي مدار عشرات السنين وكانت حالته سيئة..
ولكن كالعادة اتحطله خطة تطوير ضخمة تكلفتها تتجاوز المليار جنيه والحمد لله اتنفذت علي خير والمصنع اتسلم في شهر اكتوبر اللي فات ومن وقتها وبسم الله ما شاء الله المصنع شغال أكنه لسة معمول جديد من سنتين مثلاً لدرجة انه لحد دلوقتي جدد 200 عربة سكة حديد ورجعهم للخدمة بشكل طبيعي بعد ما كانوا خردة تقريباً وكمان عمل عقد تصنيع 1000 عربة نقل بضائع هيخلصهم في سنتين بس!
النهاردة بقي ياباشا وصل ميناء إسكندرية أحدث وأكبر ماكينة تشغيل وتشكيل معادن واللي تعتبر أول ماكينة من نوعها في مصر والشرق الأوسط بل وأفريقيا كمان ومن ضمن 8 ماكينات فقط في العالم كله! وعلشان اوضحلك اكتر فا الماكينة ديه تقدر “تصنع” كل احتياجات السكة الحديد زي عجل العربات والبوجي وتقدر تصنع (محرك) كامل للقطارات وكل آلات الجر، وتقدر كمان تصنع سيارات واجزاء من الطائرات!
الماكينة ديه من ضخامة حجمها هتتنقل من الميناء لمصنع سيماف علي 22 عربية نقل وتركيبها هياخد 72 يوم! .. اللي متابع كويس هيعرف ان مصر حالياً بتشهد طفرة صناعية كبيرة فعلاً مش مجرد كلام.
<img class="j1lvzwm4" role="presentation" src="data:;base64, ” width=”18″ height=”18″ />
خميس اسماعيل
